High tide nagdala ng basura sa dolomite beach

ABS-CBN News

Posted at Jul 22 2021 10:18 AM

Watch more on iWantTFC

MAYNILA - Umabot na sa malaking bahagi ng dolomite beach ang alon ng Manila Bay dahil sa high tide at malakas na ihip ng hangin at ulan, Huwebes ng umaga.

Kasama rin sa pag-agos nito ang mga basura at halaman na inanod sa beach.

Tila may namuong pool sa bahaging naabutan ng tubig. Isa na sa lumubog sa tubig ang rock formation na ipinwesto sa tabi ng US Embassy.

May nasa 40 tauhan mula sa Department of Environment and Natural Resources, Metropolitan Manila Development Authority at Manila Department of of Public Safety ang pumalibot sa binahang bahagi ng beach para maghakot ng basura.

Unang naghakot ng basura ang ilan sa kanila mula sa ibang bahagi ng Manila bay bago lumipat na sa dolomite beach nang magsimula ang pagtaas ng tubig.

Ilan sa mga nahakot na basura ay mga kahoy at plastic.

Inabot na sa 100 ang mga sakong pinag-ipunan ng mga basura. 

- TeleRadyo 22 Hunyo 2021