Labi ng palaboy na nag-viral sa social media, naiuwi na sa probinsya

Nauwi na sa kanyang probinsya ang labi ni Melanie Dubos, ang palaboy na nag-viral sa social media noong Abril matapos yakapin ang isang ABS-CBN News reporter.

Ayon sa 6th Infantry Division ng Philippine Army, nahirapan ang pamilya ni Dubos na iuwi ang kanyang labi dahil sa pinansyal na kagipitan.

• Palaboy sa viral ‘free hug’ video pumanaw na
• Ina ng yumaong si Melanie Dubos, lubos na nagdadalamhati

Sa tulong ng Philippine Air Force, naihatid ang labi sakay ng PAF aircraft C295 mula sa Metro Manila patungong Cotabato airport nitong Martes ng hapon.

Iniuwi sa kaniyang lalawigan ang pumanaw na si Melanie Dubos. Larawan mula sa 6th Infantry Division

Iniuwi sa kaniyang lalawigan ang pumanaw na si Melanie Dubos. Larawan mula sa 6th Infantry Division

Iniuwi sa kaniyang lalawigan ang pumanaw na si Melanie Dubos. Larawan mula sa 6th Infantry Division

Iniuwi sa kaniyang lalawigan ang pumanaw na si Melanie Dubos. Larawan mula sa 6th Infantry Division

Inihatid din ng Tactical Operations Group ang labi ni Dubos sa bayan ng Lutayan sa Sultan Kudarat kung saan nakatira ang pamilya't mga kamag-anak nito.

Matatandaang nilapitan at niyakap ni Dubos ang ABS-CBN reporter na si Larize Lee sa gitna ng live report nito. Naging tulay ito para makasama muli ni Dubos ang kaniyang pamilya na matagal na pala siyang hinahanap. 

• Palaboy sa ‘free hug’ video kasama ang ABS-CBN reporter natagpuan na ng kapatid
• Palaboy sa viral ‘free hug’ video pumanaw na

— Ulat ni Hernel Tocmo