Mga pasahero sa EDSA bus carousel dapat nang magbayad

MAYNILA—Mahaba pa rin ang pila ng mga pasahero sa EDSA bus carousel sa Monumento, Caloocan City Huwebes ng umaga kahit wala nang libreng sakay.

Nagulat ang ilang mga pasahero dahil hindi nila alam na kailangan na nilang magbayad para makasakay sa mga bus. Malaking tulong sa kanila, na marami ay minimum wage earners, ang libreng sakay. 

Mabigat sa kanila ang pagbabayad ng pamasahe na aabutin ng P120 para sa end-to-end na byahe.

Itinigil na ang libreng sakay dahil napaso na nitong Miyerkoles ang Bayanihan 2 na nagbigay-daan sa service-contracting program ng Department of Transportation at Land Transportation Franchising and Regulatory Board. 

• ABISO: Huling araw ng libreng sakay sa EDSA bus carousel

Samantala, mano-mano ang paraan ng pagbayad dahil ang Beep card ay hindi gumagana sa maraming mga bus.

• U-turn slot sa Dario bridge sa EDSA, bukas na muli para sa mga motorista

Nasusunod naman ang minimum health protocol sa mga bus tulad ng social distancing at pagsusuot ng mga face mask at face shield.—TeleRadyo 1 Hulyo 2021