Pagbabakuna ng mga nasa A4 category magsisimula na sa Quezon City

Hindi naging madali ang pagsisimula ng vaccination sa mga nasa A4 category — o mga economic frontliners o mga nagfi-field work — sa Quezon City Biyernes.

Alas-5 ng hapon Huwebes nag-anunsyo ang lungsod na magbubukas ng vaccine slots sa EZconsult website, ang platform kung saan maaari silang mag-register.
<EZconsult website>

At dahil unang araw, dinagsa ang site at nagkaroon ng heavy traffic.

• 'Sa awa ng Diyos': Ilang trabahador masayang mabakunahan vs COVID-19

Kaya naman alas-3 ng hapon pa lang, nagloko na ang site at hindi makapasok ang mga tao para makapag-book.

• 'Sa awa ng Diyos': Ilang trabahador masayang mabakunahan vs COVID-19

Pasado alas-7 nang maglabas ng memo ang EZconsult at nakiusap sa mga tao na huwag munang sumubok na mag-log in dahil may problema nga ang sistema.

Marami ang nainis na mga tao dito, dahil tila hindi anila napaghandaan ang dagsa ng mga magre-register, lalo na't malawak ang A4 category.

Bandang alas-11 ng gabi, nag-anunsyo na ang Quezon City government na pansamantala nang sususpendihin ang online booking.

Humingi naman ng pasensya ang EZconsult.

Pero pasado hatinggabi, nakatanggap ang ABS-CBN News ng report na umayos na muli ang website at nakapag-book na ang mga tao.

Kaya naman tuloy ang pagbabakuna Biyernes.

Ayon kay Mayor Joy Belmonte, 43,000 na bakuna ang natanggap nila kamakailan.

• Pedia di kumbinsidong dapat prayoridad sa bakuna ang mga bata

Distributed ito sa maraming vaccination site at may schedule hanggang June 15.

Sa mga hindi makakapag-online, pwede naman humingi ng tulong sa barangay. — Ulat ni Jervis Manahan, ABS-CBN News