Gabay ng Maykapal: Ilang mga deboto nagdasal sa labas ng Quiapo Church

ABS-CBN News

Posted at May 29 2020 07:39 AM

Watch also in iWant or TFC.tv

Humihinto pa rin sa gilid ng Quiapo Church para makinig ng misa at magdasal ang ilang mga deboto bagamat ipinagbabawal pa rin ang pagtayo sa gilid ng kalsada at pagdadasal sa labas ng simbahan Biyernes ng madaling araw.

May mga tao na sa paligid ng naturang simbahan sakay ng bisikleta at motorsiklo habang may iba ring naglakad lang kaninang 5:00 ng madaling araw.

May distansya naman ang mga tao sa isa't isa. May ilan ding humihipo na lang sa gate ng simbahan. May nagtitinda rin ng sampaguita sa kalye.

Nauna nang umapela si Manila Apostolic administrator Bishop Broderick Pabillo sa gobyerno na payagan na ang pagdaraos ng misa sa ilalim ng strict guidelines para maiwasan ang pagkalat ng novel coronavirus.

Nangangahulugan ito na lalagyan ng markings ang sahig sa loob at labas ng simbahan para matiyak ang physical distancing o tatlong tao lang kada bangko ang makakaupo.

Sa ilalim ng general community quarantine sa Metro Manila, bawal pa rin ang pagpunta ng publiko sa simbahan, at ineengganyo muna ang pagdadaos ng misa online.

Bisitahin ang Patrol.PH para sa iba pang mga balita.