Salvadoran national nahulihan ng P16.5-M cocaine sa NAIA-3

Sinubukang magpuslit umano ng isang lalaking Salvadoran ng higit 3 kilo ng hinihinalang cocaine sa NAIA Terminal 3 sa Pasay City kahapon.

Napag-alaman na galing sa Brazil ang dayuhan at kumuha ng connecting flight sa Qatar patungo ng bansa. 

Inihalo umano ng lalaki ang 9 na sachet ng hinihinalang cocaine kasama ang ilang piraso ng mga damit sa kanyang hand carry baggage. 

Ngunit nakita pa din ito nang isalang sa X-ray ng Terminal 3. 

Nang sitahin nagpakilalang isang electrician umano ang suspek sa El Salvador at una niyang pagkakataon na bumiyahe sa pilipinas. 

Sinubukan ng ABS-CBN News kunan ng panayam ang suspek pero hindi ito nakakaintindi ng salitang Ingles at Filipino.

Nahaharap sa reklamong paglabag sa Comprehensive Dangerous Drugs Act ang suspek.