PatrolPH

6 na kolorum na shuttle service nasita sa operasyon ng I-ACT sa Maynila

ABS-CBN News

Posted at May 04 2021 11:20 AM

Watch more on iWantTFC

MAYNILA - Nagkasa ng operasyon ang Inter-Agency Council for Traffic (I-ACT) laban sa kolorum na mga sasakyan kung saan anim na shuttle service ng mga pribadong kumpanya ang nasita sa Quirino Avenue sa Maynil, Martes ng umaga.

Nagtungo ang I-ACT at iba pang ahensiya sa naturang lugar batay sa sumbong ng mga concerned citizen tungkol sa mga kolorum na mga sasakyang bumibiyahe.

Ininspeksiyon nila ang mga bumibiyaheng van kung kumpleto ang mga rekisitos at papeles at kung sumusunod sa mga health protocols.

Karamihan umano sa mga nasita ay walang contract of lease at passenger accident insurance.

Dadalhin ang mga nasitang van sa impounding area ng Land Transportation Franchising and Regulatory Board sa Pampanga.

- TeleRadyo 4 Mayo 2021

Bisitahin ang Patrol.PH para sa iba pang mga balita.