PANOORIN: Sibuyas na nabubulok sinunog ng mga magsasaka

Sinunog ng ilang mga magsasaka ang kanilang ani ng sibuyas sa Occidental Mindoro dahil sa kawalan ng mamimili. 

Ayon sa mga magsasaka, nabulok na ang sako-sakong ani ng sibuyas matapos ang ilang linggo na walang dumarating para bumili. Anila, bumagsak na sa P8 hanggang P12 per kilo ang presyo ng sibuyas. 

Oversupply at importasyon ng sibuyas galing sa ibang bansa ang itinuturong dahilan kung bakit hindi nabibili ang local na sibuyas. Puno na rin ang mga cold storage facility para sa sibuyas. 

ABS-CBN News, April 5, 2022