5 sugatan, 26 pamilya apektado ng sunog sa Las Piñas

MAYNILA — Lima ang sugatan habang 26 pamilya ang apektado sa sunog na sumiklab sa Barangay Elias Aldana sa Las Piñas City nitong Biyernes.

Tabi-tabi ang mga bahay sa lugar at ang karamihan ay gawa pa sa light materials kaya mabilis kumalat ang apoy.

Kuwento ni Arthur Esguerra, isa sa mga nasunugan, kumain sila ng hapunan ng kaniyang pamilya sa labas. Pagbalik nila, malaki na ang sunog kaya wala na silang naisalbang gamit.

Umabot ang sunog sa ikalawang alarma bago tuluyang naapula.

Ayon sa Bureau of Fire Protectiojn, nahirapan silang pumaspok sa fire scene dahil sa dami ng taong lumilikas.

Inaalam pa ang naging sanhi ng sunog.

• Paano umiwas, tumugon sa sunog? Sundin ang ‘PADRE,’ ayon sa BFP
• TIPS: Tamang pag-iingat sa LPG tank sa bahay