Presyo ng bigas tumaas sa Pasig

Nagtaas na ang presyo ng bigas dito sa Pasig City Mega Market.

Ang pinakamurang bigas dito ngayong Miyerkoles ay 35 pesos kada kilo para sa maalsa/wagwag.

Ang Sinandomeng o Ordinaryo ay nasa 40 pesos naman, Jasmine 46 pesos hanggang 50 pesos, dinorado 46 hanggang 56, brown rice 50, red rice 65, black rice 90 at sungsong na pang biko/lugaw 200.

Ayon sa ilang nagbebenta, wala ng bumibili ng isang kaban, halos wala na din sa isang sako dahil puro tingi-tingi na lang ang binibili mula isang kilo hanggang 5 kilo.