Higit P3 milyong halaga ng shabu nasabat sa umano’y drug den sa Taguig

MAYNILA—Milyon-milyong halaga ng hinihinalang shabu ang nasabat habang sa kulungan ang bagsak ng 6 na lalaki matapos ang buy-bust operation sa isang drug den sa Taguig City, Huwebes ng gabi

Isinagawa ang operasyon matapos makakuha ng tip na bukod sa bentahan ng ilegal na droga sa lugar ay may drug den din umano roon, ayon sa pulisya.

• Higit P20-M halaga ng umano’y shabu nasabat sa Muntinlupa, Cavite

Nakumpiska sa mga suspek ang hinihinalang shabu na may timbang na halos kalahating kilo at tinatayang nasa higit P3 milyon ang halaga.

• Higit P400 milyong halaga ng umano’y shabu nasabat sa Bulacan; 1 tiklo

Ilang drug paraphernalia rin ang nakuha sa mga suspek pati na ang isang baril at mga bala. Giniba naman ng mga awtoridad ang umano’y drug den.

Kasong paglabag sa Comprehensive Dangerous Drugs Act at paglabag sa Comelec gun ban ang isasampa laban sa mga nahuli.—Ulat ni Anna Cerezo