Nasa P600K halaga ng umano’y marijuana nasabat sa Bacoor

Timbog ang 1 lalaki sa ikinasang buy-bust operation ng PDEA Cavite at Bacoor City Police sa Barangay Molino 1, Bacoor City.

Nag-ugat ang operasyon sa sumbong ng concerned citizen tungkol sa umano’y pagtutulak ng naturang lalaki ng marijuana.

• 3 timbog sa pagbebenta umano ng marijuana

Napag-alaman ding high-value drug suspect pala ang lalaki, dahil malakihan na ang kaniyang pagbebenta ng marijuana.

• P3.4 milyong halaga ng marijuana sinunog sa Kalinga

Nagpositibo ang buy-bust matapos siyang magbenta ng P500 halaga ng marijuana sa nagpanggap na buyer.

Bloke-bloke naman ng marijuana ang kumpiskado sa kanya na abot sa P600,000 ang halaga.

Iniimbestigahan pa ngayon kung saan nanggagaling ang suplay ng suspek.

Kasong pagbebenta ng ilegal na droga ang haharapin ng lalaki.