PatrolPH

Online seller ng mga wildlife, endangered animals inaresto sa Caloocan

Lyza Aquino, ABS-CBN News

Posted at Jan 26 2022 06:41 AM

Watch more News on iWantTFC

Kalaboso ang isang 29-anyos na lalaki na nahuling nagbebenta ng mga endangered, exotic at wild animals sa ikinasang buy bust operation sa Bagong Silang Caloocan.

Batay sa paunang impormasyon mula kay PMaj Roldan Manulit ng DENR- Anti-Illegal Logging Task Force, isinagawa nila ang operasyon matapos makatanggap ng impormasyon hinggil sa lantarang online selling na ginagawa ng suspek kung saang iba't- ibang mga hayop ang kaniyang binebenta. 

Watch more News on iWantTFC

Namamasukan bilang technician ang suspek na sumasideline umano sa pag online selling ng mga nasabing hayop simula nang magumpisa ang pandemya. 

Ilan sa mga nakumpiska sa suspek ang isang Philippine eagle-owl, na endemic sa bansa ibig sabihin sa Pilipinas lamang ito matatagpuan, at iba pang mga wild animals gaya ng 1 salt water crocodile, Ball python, Burmese python, Luzon Lowland Scops Owl at Spotted Buttonquail.

Tumangging magsalita sa media ang suspek na ngayon ay mahaharap sa kasong paglabag sa RA 9147 o Wildlife Resources Conservation and Protection Act.

ABS-CBN News, January 26, 2022

Bisitahin ang Patrol.PH para sa iba pang mga balita.