Paano makaiiwas sa credit card fraud?

MAYNILA - Sa patuloy na paggamit ng mga Pilipino sa online banking ngayong pandemya, nagpaalala ang isang cybersecurity expert nitong Lunes kung paano maiiwasan ang hacking.

Maaaring mabiktima ng credit card fraud sa pamamagitan ng phishing, SIM fraud, o malware attack, ayon kay Joseph Felix Pacamara, founder ng Cybersecurity Philippines.

• Hacker uses senator's credit card to buy P1M worth of food

Narito ang ilang hakbang upang maiwasan ito:

- Ihiwalay ang email na ginagamit sa banking at personal o social media accounts
- Sumunod sa polisiya ng bangko at mag-setup ng OTP o multi-factor authentication

"Kung naka-receive ka ng notification (ng transaction) automatic itawag mo agad," ani Pacamara.

"Ang labanan dun, makarating ka agad sa kanila, 'Di ko transaction to, i-cut off niyo,'" dagdag niya.