Aso matiyagang naghintay sa labas ng ospital kung saan isinugod ang amo

Nagviral ang isang aso sa Turkey matapos matiyagang naghintay sa labas ng ospital kung saan isinugod ang kaniyang amo sa Trabzon, Turkey.

Sa ulat ng Reuters, matiyagang naghintay sa labas ng ospital ang aso na si Boncuk matapos ma-ospital ang amo na si Cemal Senturk, 68, dahil sa brain embolism.

Nang makita sa ospital, inuwi ng mga kaanak ang aso pero agad din itong bumalik at naglagi na doon.

Ligtas na nakalabas ang amo nito na 9 taon niya nang kasama.