Mag-amang construction worker, gumagawa ng sculptures mula sa recycled materials

MAYNILA — Kamangha-mangha ang mga obrang gawa ng mag-amang construction worker mula Banaybanay, Davao Oriental, na nilililok nila mula sa mga recycled material.

Kabilang sa disenyo ng mga eskultura nina Romulo Revilla Sr. at anak na si Romulo "Jhun" Jr. ay agila, pagong, tuta at barko.

Sa panayam ng Teleradyo, ikinuwento ng mag-ama na nilililok nila ang mga imahe mula sa bunot ng niyog at driftwood o mga napupulot na kahoy.

Sa ngayon, hindi pa binebenta ng mag-ama ang kanilang mga obra pero marami na anilang nagme-message sa kanila para magpahayag ng interest na bilhin ang mga ito.

Makikita ang mga likha ng mag-ama sa Facebook page na Davao Pride Driftwood Art.