'Tawag' Grand Finals: Mga hurado, madlang pipol napatayo sa performance ni Janine Berdin

ABS-CBN News

Posted at Jun 02 2018 01:57 PM

Watch also in iWant or TFC.tv

Hindi napigilan ng madlang pipol at ng mga hurado sa "Tawag ng Tanghalan: Ang Huling Tapatan" nitong Sabado ang mapatayo sa performance ni Janine Berdin na tubong Cebu.

Kinanta ng 16 anyos na si Berdin ang "Nosi Ba Lasi," ang 1989 hit song ng OPM legend na Sampaguita.

Napaluha pa si Berdin sa naging pagtanggap ng madlang pipol sa kaniyang performance. 

"Nao-overwhelm po ako kasi ito 'yung pangarap ko. Pinapangarap ko po ito dati pa... I love music po talaga kaya salamat for appreciating what I love," ani Berdin.

Sa kanilang mga komento, walang sinabi kung hindi mga papuri ang mga hurado sa naging performance ni Berdin. 

"Amazing! Amazing! Sobrang organic, sobrang fresh, sobrang heartfelt... Ibang klase ang dating mo," ani hurado Billy Crawford.

"Parang dinala mo to the next level... We are so proud of you," ayon naman kay hurado Yeng Constantino. 

Mapapanood ang "Tawag ng Tanghalan: Ang Huling Tapatan" live sa YouTube channel ng "It's Showtime." 

Bisitahin ang Patrol.PH para sa iba pang mga balita.