Usa bumisita sa restaurant, mga customer nagtakbuhan

Nagtakbuhan ang mga customer sa isang restaurant sa Wisconsin, USA noong Martes (Oktubre 24) matapos pasukin ng isang usa ang establisyimento.

Pumasok ang usa sa bintana ng Noodles & Company restaurant sa Beloit, Wisconsin na ikinagulat ng mga customer na nanananghalian. 

Kita sa video na nagtakbuhan ang mga tao habang nakalabas naman ang usa sa pamamagitan ng backdoor. 

Pansamantalang isinara ang lokasyon upang masuri ang sitwasyon, sabi ng Noodles & Company.