Dahil sa oil price hike, tricycle driver tumigil sa pamamasada para maging fruit vendor

MAYNILA – Sa loob ng halos isang dekada, pamamasada ng tricycle ang ikinabuhay ni Sabas Lucban na residente sa Barangay Central sa Quezon City.

Pero napagdesisyunan niya nang ibenta ang kaniyang tricycle dahil sa sunod-sunod na pagtaas ng presyo ng gasolina.

Kaniyang ipinuhunan ang pera sa pagbili ng kariton at panindang prutas.

Nitong Martes ay nagkaroon na naman ng panibagong oil price hike kung saan nadagdagan ng P3.40 kada ang presyo kada litro ng gasoline, P8.65 sa diesel, at P9.40 sa kerosene.

• Finance advocate shares financial tips amid rising gas prices

Inabisuhan na ng Department of Energy ang publiko sa posibleng tuloy-tuloy na pagtaas sa presyo ng langis. Nag-ugat ito sa epekto ng pagtaas ng import cost sa bansa. – Ulat ni Reiniel Pawid, ABS-CBN News