MULTIMEDIA

Patrol ng Pilipino: Sabayan ang mga Patrol ng Pilipino sa gabi

MAYNILA – Hindi natutulog ang balita para sa ABS-CBN reporters na naka-duty sa night at graveyard shift.

Toka nila ang police beat sa Metro Manila at umiikot (a.k.a. nagroronda) sa kani-kanilang areas of responsibility o AOR para mangalap ng kuwento.

Nakahati ang mga AOR sa police districts ng National Capital Region: Quezon City, Manila, Northern, Eastern, at Southern, maging sa mga kadikit na probinsya gaya ng Bulacan, Rizal, at Cavite.

Kasama sa mga ginagawa nila ang mag-ikot at magtanong ng incident reports sa mga police station at basahin ang kanilang blotter. Mahalaga rin ang kaalaman sa paggamit ng CCTV na nakakatulong sa backtracking ng insidente. 

Pero hindi lang nakapako sa krimen at police operations ang mga kuwento ng graveyard team dahil sakop nila lahat ng pangyayari sa kanilang oras–maging sunog, banggaan, traffic, palengke watch, at iba pa.

At sa maraming pagkakataon, umaabot pa ng umaga ang kanilang pagpapatrol.

– Ulat nina Lyza Aquino, Karen De Guzman, Andrea Taguines at Champ De Lunas, Patrol ng Pilipino

• Patrol ng Pilipino: Behind the scenes sa 'roving' ng ABS-CBN News team
• Patrol ng Pilipino: Silipin ang award-winning 'OB Ranger’ ng ABS-CBN News