FACT CHECK: Lumang larawan ginamit upang palabasing suportado ni Duterte si Isko

Bayan Mo, Ipatrol Mo

Posted at Feb 23 2022 08:29 PM

Misleading ang kumakalat na larawan nina Pangulong Rodrigo Duterte, Sen. Christopher “Bong” Go at Cebu Gov. Gwen Garcia na tila nagbibigay ng trademark hand sign ng Aksyon Demokratiko at ni presidential candidate Manila mayor Isko Moreno Domagoso.

Bagama't totoo ang larawan, ito ay luma at kuha noon pang Marso 17, 2021 sa isang dinner meeting na dinaluhan ni Duterte, Go at Garcia sa Cebu.

Magkaparehas ang hand sign ng One Cebu political party ni Garcia, at ng Aksyon Demokratiko kung saan kabilang si Domagoso.

Ang kumakalat na litrato ay inupload sa Facebook group na Tropang Isko Moreno noong Pebrero 20, at ito ay may caption na "Na Isko na?" at hashtag na #SwitchToIsko.

Wala pang ini-endorsong kandidato sa pagka-pangulo sa Halalan 2022 si Duterte at ang One Cebu. 

FACT CHECK: Lumang larawan ginamit upang palabasing suportado ni Duterte si Isko