PatrolPH

PADS dragon boat team humakot ng gintong medalya sa int'l competition

ABS-CBN News

Posted at Jul 24 2022 12:55 PM | Updated as of Jul 24 2022 02:28 PM

Retrato mula sa PADS Dragon Boat Team
Retrato mula sa PADS Dragon Boat Team

Umabot na sa apat ang bilang ng gintong medalyang napanalunan ng Philippine Accessible Disability Services Inc. (PADS) dragon boat team sa isang international competition na idinadaos ngayon sa Amerika.

Wagi ang grupo sa smallboat paradragon 2 open category ng ika-13 IDBF Club Crew Worlds Championship na idinaos sa Florida state.

Nakapagtala sila ng pinakamabilis na time na 2 minutes at 17 seconds sa unang round, at 2 minutes at 18 seconds sa ikalawang round ng 500-meter route.

"Mabuhay ang mga Pilipino! Mabuhay ang mga Atletang Pinoy!" sabi ng grupo sa isang social media post.

Ngayong Linggo ang huling araw ng kompetisyon at nakatakdang umuwi ng Cebu ang team, na may miyembrong persons with disabilities, sa darating na linggo.

Noong 2019, nagkamit ng back-to-back championship ang PADS dragon boat team sa international competitions na ginanap sa Thailand at Hong Kong.

— Ulat ni Annie Perez

RELATED VIDEO

Watch more News on iWantTFC
Bisitahin ang Patrol.PH para sa iba pang mga balita.