MPBL: ‘Fast and the Pogi?’ Gerald Anderson bilib sa kakamping si Helterbrand

May bansag na si Gerald Anderson sa tambalan nila ni Jayjay Helterbrand sa Imus Bandera sa kasalukuyang 2019 MPBL Lakan Cup.

“Fast and the Furious nga sila ni Mark Caguioa. Kami, Fast and the Pogi daw,” ani Anderson sa isang panayam sa ABS-CBN Sports kamakailan.

Inamin ni Anderson na kakaiba ang maging teammate si Helterbrand, na minsa’y MVP ng PBA at nakapag-uwi ng ilang kampeonato para sa Barangay Ginebra.

“Nu’ng first game namin, home crowd pa ng kalaban. Nag-free-throw si Jayjay, sumigaw sila ng ‘Ginebra, Ginebra,’ ” kuwento ni Anderson.

“Nangilabot nga ako.”

Dagdag pa ni Anderson, marami siyang natututunan kay Helterbrand.

“Yung experience niya, lahat ina-absorb ko,” pahayag ni Anderson. “It’s amazing.”

For more sports coverage, visit the ABS-CBN Sports website.