TFC News

Work from home, pinaiiral sa government agencies sa Bangkok, Thailand

TFC News Thailand

Posted at Aug 16 2021 10:52 AM

THAILAND -- Pinaiiral ngayon ang work-from-home sa government agencies sa 29 probinsiya sa Thailand kabilang na ang Bangkok base na rin sa anunsiyo ng Tourism Authority of Thailand o TAT. Hinihikayat naman ang mga pribadong kompanya na magpairal din ng work-from-home scheme sa kanilang mga empleyado para masugpo ang patuloy na pagtaas ng Coronavirus cases sa bansa.  

Alinsunod na rin ang polisiya sa expanded COVID-19 restrictions para sa Maximum and Strict Controlled Areas o Dark-Red Zone provinces na mula sa labintatlo ay nadagdagan pa at naging 29 probinsiya na. Epektibo ang direktiba mula pa noong ika-3 ng Agosto at tatagal hanggang katapusan ng kasalukuyang buwan. 

29 Dark-Red Zone provinces sa Thailand mula August 3 to 31, 2021:

  1. Bangkok 
  2. Ang Thong 
  3. Ayutthaya 
  4. Lop Buri 
  5. Kanchanaburi 
  6. Nakhon Nayok 
  7. Nakhon Pathom 
  8. Nonthaburi 
  9. Pathum Thani 
  10. Phetchaburi 
  11. Prachuap Khiri Khan 
  12. Ratchaburi 
  13. Samut Prakan 
  14. Samut Sakhon 
  15. Samut Songkhram 
  16. Saraburi 
  17. Sing Buri 
  18. Suphan Buri 
  19. Chachoengsao 
  20. Chon Buri 
  21. Prachin Buri 
  22. Rayong 
  23. Phetchabun  
  24. Tak  
  25. Nakhon Ratchasima 
  26. Narathiwat 
  27. Pattani 
  28. Songkhla 
  29. Yala
29 provinces Thailand
29 Dark-Red Zone provinces sa Thailand mula August 3 to 31, 2021

Kaugnay nito, nag-anunsiyo ang Embahada ng Pilipinas sa Bangkok na tatanggap lamang sila ng consular services para sa emergency cases. At simula Lunes, ika-16 ng Agosto, ihihinto na muna ng Embahada ang appointment system sa pamamagitan ng email na papalitan ng online request form.  
 
Sa mga Pilipino sa Thailand na kailangan ng consular services, maaaring ma-access dito ang online request form. 
 
Ilan sa emergency cases na maaaring makonsidera ng Embahada ang mga sumusunod: 

  • Visa expiration 
  • Renewal of visa 
  • Renewal of employment contract/work permit 
  • Passport validity is less than 6 months 
  • Travel to the Philippines
Thailand
Ilan sa emergency cases na maaaring makonsidera ng Embahada ng Pilipinas sa Thailand

Makatatanggap ng appointment email confirmation sa loob ng 3 working days ang mga aplikanteng kwalipikado sa emergency criteria. 

Paalala pa ng Embahada na hindi tatanggap ang ahensiya ng walk-in applicants alinsunod sa COVID-19 safety protocols. 

Para sa mga katanungan, maaaring maipag-ugnayan sa Philippine Embassy sa Bangkok, Thailand sa mobile number +66-89-926-5954.