5 nanlaban umano sa pulis, patay sa Negros Oriental

GUIHULNGAN CITY, Negros Oriental - Lima katao ang nasawi sa isinasagawang sabay-sabay na police operations sa iba’t-ibang barangay sa lalawigan, Huwebes ng umaga.

Tinatayang nasa 100 search at arrest warrants ang isinilbi ng pulisya sa tulong ng Armed Forces of the Philippines.

Ayon sa pulisya, pawang nanlaban umano ang 5 na napatay nang ipatupad ang mga warrant sa kani-kanilang mga bahay.

Dinala sa Guihulngan City Police Station ang mga inaresto para iproseso. Nasa himpilan ng pulisya ang mga bangkay ng mga nasawi sa operasyon.

Nagpapatuloy pa rin ang operasyon sa lalawigan.