Bus nahulog sa bangin sa Quezon; 4 kritikal, 6 sugatan

ABS-CBN News

Posted at Dec 26 2017 12:13 PM | Updated as of Dec 26 2017 09:37 PM

Retrato mula sa Tagkawayan Teleradyo

Apat ang nasa kritikal na kondisyon habang 6 ang sugatan matapos mahulog ang isang pampasaherong bus sa bangin sa Tagkawayan, Quezon nitong Martes.

Bandang 2:45 ng madaling araw nang malaglag ang AB Liner bus habang pababa ng Quirino Highway sa Barangay Bagong Silang.

May lalim na 25 hanggang 30 metro ang bangin.

Kabilang sa mga sugatan ang konduktor ng bus at ang isang 7-taong gulang na batang lalaki.

Pinaghahanap pa ng pulisya ang tsuper na si Herbert Umali.

Nananatili ang mga nasa kritikal na kondisyon sa St. Peter General Hospital sa Calauag, Quezon habang nasa ospital sa bayan ng Lopez naman ang mga sugatan.

-- Ulat ni Gerard Lorbes, ABS-CBN News

Bisitahin ang Patrol.PH para sa iba pang mga balita.