PatrolPH

P1.34 milyong halaga ng nasabat na marijuana sinunog sa Benguet

ABS-CBN News

Posted at Dec 20 2020 03:22 PM

P1.34 milyong halaga ng nasabat na marijuana sinunog sa Benguet 1
Sinunog ng mga awtoridad ang nakumpiskang P1.34 milyong halaga ng marijuana sa Benguet noong nakaraang linggo. Philippine National Police/handout

MAYNILA - Sinunog ng mga awtoridad ang nakumpiskang P1.34 milyong halaga ng marijuana sa Benguet noong nakaraang linggo.

Sinira ang 6,700 marijuana plants at 3,250 marijuana seedlings, ayon sa Philippine National Police.

Sa bilang na ito, 2,800 na halaman ang nadiskubre sa 700-square meter marijuana farm sa Sitio Bulisay, Kayapa, Bakun, Benguet noong Huwebes.

Nitong Biyernes, nasabat ang 1,400 marijuana plants na may halagang P280,000 sa Sitio Wasan, Kayapa, Bakun, Benguet.

Nasamsam naman ang 2,500 marijuana plants at 3,250 marijuana seedlings sa Barangay Badeo, Kibungan, Benguet nitong Sabado.

“Cannabis in the form of plants, products and its derivatives is still a dangerous drug as defined under Republic Act No. 9165 or The Comprehensive Dangerous Drugs Act of 2002,” ani PNP chief Gen. Debold Sinas sa isang pahayag.

Watch more News on iWantTFC
Bisitahin ang Patrol.PH para sa iba pang mga balita.