Tindero timbog sa droga sa Cubao

QUEZON CITY—Arestado ang isang 22 anyos na tindero matapos kumagat sa buy-bust operation nitong Huwebes sa Cubao, Quezon City. 

Batay sa paunang ulat ng Quezon City Police District Station 7, ang suspek ay residente mula sa Barangay Tatalon tumawid lamang sa Barangay Socorro upang magbenta ng ilegal na droga

Nabilhan ng P500 ng hinihinalang shabu ang suspek. Nakumpiska din sa kanya ang walong sachet ng hinihinalang shabu.

Mahaharap ang suspek kasong paglabag sa Comprehensive Dangerous Drugs Act.—Ulat ni Lyza Aquino, ABS CBN News