2 lalaki nahulihan ng droga, baril sa QC

Dalawang lalaking hinihinalang drug personality, arestado sa Central Avenue, Quezon City matapos mahulihan ng 60 gramo ng shabu at baril @ABSCBNNews @ukgdos pic.twitter.com/IBj89yc6AN

— Jervis Manahan (@JervisManahan) December 10, 2019

MAYNILA—Arestado ang 2 lalaki sa buy-bust operation sa Central Ave., Quezon City Martes ng gabi.

Nasamsam sa mga suspek ang nasa P400,000 halaga ng hinihinalang shabu, baril, at mga bala.

Ayon sa pulisya, parehong nasa drugs watchlist ang mga suspek na dati na ring nakulong.

Aminado ang isang nahuli na sangkot sa pagtutulak at inuubos ang mga natitirang droga.

Kulong ang 2 lalaki sa Talipapa Police Station at mahaharap sa kasong paglabag sa Republic Act 9165 o Comprehensive Dangerous Drugs Act of 2002.—Ulat ni Jervis Manahan, ABS-CBN News