PatrolPH

'Fireflies Pink Light of Hope' inilunsad ng mga taga-suporta ni Robredo

Anjo Bagaoisan, ABS-CBN News

Posted at Dec 08 2021 12:40 AM | Updated as of Dec 08 2021 03:44 AM

MAYNILA (UPDATE) - Sinimulan ng grupo ng mga bikers na sumusuporta sa kandidatura ni Vice President Leni Robredo para sa pagka-Pangulo ang gabi-gabing pagbiyahe sa EDSA bilang kawanggawa.

Halos 100 kasapi ng “Fireflies Pink Light of Hope” ang nagbisikleta mula sa EDSA Boni Avenue sa Mandaluyong hanggang EDSA Quezon Avenue.

May nakasabit na mga kulay pink na parol ang bawat bisikleta.

Bukod dito, may kanya-kanya rin silang pagkain na ipamamahagi sa mga madaanan o makasabay na nangangailangan.

Umabot ng 2 oras ang pagbiyahe nila sa bicycle lane.

Ayon sa isa sa mga biker na si Butch Hugo, 9 na gabi nila ito gagawin bilang pagtulong sa iba at pagpakita ng anila’y “pagmamahal” ng pangalawang pangulo.

"Papakita namin sa tao ang radikal na pagmamahal at diwa ng Pasko," sabi niya.

Tatagal ito hanggang December 19.

Bisitahin ang Patrol.PH para sa iba pang mga balita.