PatrolPH

NBI nagluluksa sa pagpanaw ng counter-terror chief

ABS-CBN News

Posted at Dec 08 2020 03:30 PM | Updated as of Dec 08 2020 06:32 PM

NBI nagluluksa sa pagpanaw ng counter-terror chief 1
Naka-cordon ang tangapan ng National Bureau of Investigation-Counter Terrorism Division matapos matagpuang patay doon ang hepe na si Raoul Manguerra, Disyembre 7, 2020. Zyann Ambrosio, ABS-CBN News

MAYNILA (UPDATE) — Pumanaw na ang tagapamuno ng counter-terrorism division (CTD) ng National Bureau of Investigation, sabi ngayong Martes ng tagapagsalita ng ahensiya.

Ayon kay NBI Spokesperson Ferdinand Lanvin, natagpuang patay bandang alas-11 ng gabi sa kaniyang opisina ang 49 anyos na si NBI-CTD chief Raoul Manguerra dahil sa tama ng bala ng baril.

"He has been very instrumental in the anti-terrorism campaign not only of the NBI but also of this government," ani Lanvin.

Naka-half-mast ngayong Martes ang Philippine flag sa tanggapan ng ahensiya sa Maynila bilang pagluluksa sa pagpanaw ni Manguerra.

Nagpatupad ng lockdown sa tanggapan ng NBI habang iniimbestigahan ng mga tauhan ng ahensiya ang insidente. -- Ulat ni Zyann Ambrosio, ABS-CBN News

Bisitahin ang Patrol.PH para sa iba pang mga balita.