P13.6 milyong halaga ng suspected shabu nasabat sa Sulu; 2 tiklo

Arestado sa anti-illegal drugs operation ng iba't ibang unit ng Philippine Drug Enforcement Agency, Philippine National Police, at Philippine Army ang 1 barangay kagawad at 1 babae sa Barangay KM2, sa bayan ng Indanan, Sulu Sabado ng madaling araw.

Kinilala ng mga awtoridad ang mga suspek na si Ilahan Yahya, alyas Ben, 48, isang kagawad, at Murida Ahajan, alyas Elwina, 30.

• P54-M halaga ng hinihinalang shabu nasabat sa Caloocan; 2 timbog

Nasabat sa operasyon ang 2 pakete ng Chinese tea bags na may lamang hinihinalang shabu na nagkakahalagang P13.6 milyon.

• P54.5 milyong halaga ng umano’y shabu nasabat sa Taguig; 2 tiklo

Ayon sa PDEA, ang mga suspek ay responsable sa illegal drug operations sa mga karatig na bayan sa Sulu province.

Sinampahan ng kasong paglabag sa Republic Act 9165 o Comprehensive Dangerous Drugs Act of 2002 ang mga naaresto. —Ulat ni Hernel Tocmo

KAUGNAY NA VIDEO