Spa na nag-aalok ng 'extra service', ni-raid

ABS-CBN News

Posted at Dec 07 2018 03:28 AM | Updated as of Dec 07 2018 06:20 AM

Watch more in iWant or TFC.tv

LUCENA CITY - Nilusob ng mga operatiba ng National Bureau of Investigation (NBI) ang isang spa sa Tayabas, Quezon na umano'y nag-aalok ng extra service.

Pagpasok sa spa, agad inisa-isa ang mga kuwarto sa loob ng establisimyento. Dito bumungad ang isang babaeng walang pang-itaas.

Bukod sa babaeng inabutan na nagbibigay ng extra service, 2 pang lalaki ang kasamang na-rescue ng NBI. Arestado naman ang pinaniniwalaang head ng spa.

Nakuha sa operasyon ang perang ginamit ng asset na pambayad sa extra service. Nakita rin sa counter ang mga condom at ilang records ng spa.

Ayon kay NBI-Quezon chief Dominador Villanueva, kadalasang online ang promotion at recruitment ng spa.

"Very active itong spa na ito sa pagpo-promote, allegedly ng spa services. Dito rin sila nagre-recruit," aniya.

Iimbestigahan din ng NBI kung may iba pang kasamahan ang mga na-rescue.

Kabilang naman sa kakasuhan ng reklamong human trafficking ang may-ari ng spa. - ulat ni Fay Virrey, ABS-CBN News

Bisitahin ang Patrol.PH para sa iba pang mga balita.