P1.1 bilyong halaga ng 'counterfeit' goods nasabat sa Pasay

Nasabat ng Bureau of Customs ang P1.1 bilyong halaga ng umano'y counterfeit goods sa warehouse sa Baclaran, Pasay City nitong Nobyembre 29. 

• BOC seizes P7B worth of counterfeit designer goods
• BOC: Over P12 billion worth of smuggled items seized so far this year

Isinagawa ang operasyon sa Baclaran Wholesale Complex, anang Customs sa isang pahayag. 

Sa pag-iinspeksyon ng Customs at ng Armed Forces of the Philippines, nakita nila ang ilan umanong smuggled na counterfeit goods na may samu't saring brand gaya ng Birkenstock, Lacoste, Converse, Nike, Adidas, Jordans, Havaianas, Barbie, at HP.

• Higit P50 milyong halaga ng smuggled products nasabat sa Quiapo

"The Bureau of Customs will remain resolute in the implementation of its mandate to suppress smuggling in the country and to protect Filipino consumers against possible hazardous counterfeit items," ayon sa Customs.

Patuloy ang imbestigasyon para sa posibleng paglabag sa Intellectual Property Code of the Philippines at Customs Modernization and Tariff Act.