Nars at komadronang galing sa polio vaccination, tinambangan sa Agusan del Norte

KITCHARAO, Agusan del Norte - Tinambangan ng mga hinihinalang miyembro ng New People's Army (NPA) ang dalawang medical staff na galing sa isang polio vaccination sa Kitcharao, Agusan del Norte nitong Huwebes.

Bumabiyahe umano ang nurse na si Ingrid Archinue at midwife na si Jennifer Veterbo mula Zapanta Valley, nang tambangan sila ng isang armadong grupo sa bayan.

Wala namang nasaktan sa insidente. 

Tinamaan umano ang harapang bahagi ng windshield ng sasakyan ng mga biktima.

Patuloy ang imbestigasyon sa insidente.