PatrolPH

Volcanic debris mula Japan nakarating sa Batanes

ABS-CBN News

Posted at Nov 27 2021 02:47 AM | Updated as of Nov 28 2021 12:50 AM

Kuha ni Nicole Naldo
Kuha ni Nicole Naldo

Nakarating sa Batanes ang ilang volcanic debris mula sa isang pumutok na bulkan sa Japan, ayon sa mga awtoridad.

Pansamantalang ipinagbawal muna ng provincial government nitong Biyernes ang ang paglangoy at iba pang aktibidad sa Maydangeb Beach at Hohmoren Cove sa Batanes para maiwasan ang peligrong dulot ng volcanic debris na nakarating sa lugar. 

 

Sa nakalap na impormasyon ng provincial government mula sa Phivolcs, ang pumice at volcanic ash ay nanggaling sa pumutok na Fukutoku-Okanoba Volcano sa Japan kamakailan. 

Ang volcanic debris ay maaaring maging sanhi umano ng abrasion at reduction of visibility sa dagat. 

Inatasan na ni Batanes Gov. Marilou Cayco ang provincial environment and natural resources office para magsagawa ng coastal clean up sa dalampasigan ng Mahatao, Ivana at Uyugan.

Nagpalabas na rin ng primer ang Phivolcs kaugnay sa pumice na nakarating sa dalampasigan ng Batanes.

"People are reminded to avoid swimming and other beach activities for the meantime as the pumice rafts reduce visibility when swimming underneath these and may cause abrasion injuries," ayon sa kanilang anunsiyo.

"This also safeguards against ingestion of seawater with potentially harmful substances (such as sulfur and very fine ash) that may have been brought by the pumice rafts."

Inabisuhan din ng Phivolcs ang mga LGU na siguraduhing ang kanilang communication systems para maiwasan ang pagkakaroon ng panic dulot ng maling impormasyon. — Ulat ni Harris Julio

KAUGNAY NA ULAT

Watch more on iWantTFC
Bisitahin ang Patrol.PH para sa iba pang mga balita.