MAYNILA—Arestado ang 8 katao sa buy-bust operation sa Barangay Sangandaan, Quezon City Lunes ng gabi.
Ayon sa Talipapa Police Station, 4 sa mga nahuli ay nasa drugs watch list habang ang 4 na iba pa ay bagong tukoy na drug personality.
Bago mag-alas-9 ng gabi nang makipagtransaksiyon ang mga pulis sa bahay ng isa sa mga lalaking suspek, pero bukod pa sa pagbebenta ng ilegal na droga ay tyempo ring nahuling nagda-drug session ang mga suspek.
Nasamsam sa kanila ang 14 na sachet ng hinihinalang shabu na nagkakahalaga ng P54,000 at drug paraphernalia.—Ulat ni Lyza Aquino, ABS-CBN News
Bisitahin ang
Patrol.PH para sa iba pang mga balita.
Tagalog news, crime, drugs, buy-bust, arrest, shabu, drug session, pusher, peddler, dealer, user, Quezon City, QC