ALAMIN: Hanggang kailan maaaring magparehistro para sa 2018 halalan

ABS-CBN News

Posted at Nov 18 2017 10:28 PM

Watch more in iWant or iWantTFC

Nagpaalala ang Commission on Elections (Comelec) sa mga botante na magparehistro na para sa 2018 barangay at Sangguniang Kabataan (SK) elections.

Mayroon na lamang dalawang linggong nalalabi bago matapos ang voter registration para sa mga nais makilahok sa susunod na eleksyon. 

Matatandaang nagtakda muli ang Comelec ng panibagong registration period mula Nobyembre 6 hanggang 30.

Ito'y makaraang pormal na maantala muli ang halalan sa ikalawang Lunes ng Mayo 2018.

Lahat ng mga kabataang 15 anyos pataas ay maaaring magparehistro.

Maaari ring magtungo sa Comelec ang mga sumusunod:

  • Regular na botante ng barangay;
  • May kailangang palitan sa kanilang personal data;
  • Mga na-deactivate o hindi nakaboto sa dalawang nakaraang halalan

Bukas ang Comelec offices sa buong bansa mula Lunes hanggang Sabado, mula alas-8 ng umaga hanggang alas-5 ng hapon.

--Ulat ni Zhander Cayabyab, ABS-CBN News

Bisitahin ang Patrol.PH para sa iba pang mga balita.