PatrolPH

Lalaki patay sa pamamaril; love triangle posibleng motibo

ABS-CBN News

Posted at Nov 08 2021 07:28 PM

MAYNILA — Patay ang isang lalaki sa Mamburao, Occidental Mindoro matapos siyang barilin nang malapitan sa ulo ng di pa nakikilalang salarin.

Sa kuha ng CCTV, kitang paikot-ikot at tila may hinahanap sa kalye ang isang motorsiklo lulan ang magkaangkas noong Miyerkoles.

Inaabangan pala nila ang isang lalaki na nakamotorsiklo rin. 

Dahan-dahang lumapit ang angkas na gunman at binaril nang malapitan sa ulo ang biktima, na kinilalang si Adamin Amarrador, supervisor sa isang construction company.

Ayon sa Mamburao police, love triangle ang tinitingnan nilang motibo sa krimen.

Marami umanong naging kasintahan ang biktima.

"Itong mga naging girlfriend niya ay may kaniya-kaniya pong pamilya o naging kinakasama rin po," sabi ni Police Maj. Rodolfo Camba, hepe ng Mamburao police.

Dalawang tao na ang persons of interest sa nangyaring pamamaslang.

—Ulat ni Dennis Datu, ABS-CBN News

Bisitahin ang Patrol.PH para sa iba pang mga balita.