Condo unit sa Binondo, sumabog at nasunog

Wheng Hidalgo, ABS-CBN News

Posted at Nov 08 2020 03:25 AM

Isang sunog ang naganap sa isang unit sa ika-4 na palapag ng SHC Tower sa Elcano Street sa Binondo, Manila nitong Sabado. 

Dakong 4:45 ng hapon nang sumiklab ang loob ng Unit 408 saka may sumabog at nagtalsikan ang nga bato at salamin. 

Ang sinasabing unit ay nirerentahan ng isang Chinese national na may negosyo sa Binondo. Wala sa unit ang tenant nang mangyari ang sunog.

Ayon sa mga empleyado sa katabing building, nakita na lang nila ang malaking apoy sa bintana ng unit at pagkatapos nilang makarinig ng pagsabog ay may mga nagtalsikan at nagbagsakang mga bato at salamin sa kalye.

Mabilis naman nakalabas mula sa gusali ang ibang residente. Umabot sa second alarm ang sunog at dakong 5:15 ng hapon ay under control na ito.

Pasado alas-sais nagsimula ng magdatingan ang ilang tenants para i-check ang kanilang unit.

Watch more in iWantTFC
Bisitahin ang Patrol.PH para sa iba pang mga balita.