PatrolPH

Babae muntik matuklaw ng cobra sa CR sa Samar

ABS-CBN News

Posted at Nov 01 2021 10:08 PM | Updated as of Nov 02 2021 12:46 PM

Kuha ng Motiong PNP
Kuha ng Motiong BFP

Isang babae ang muntik nang matuklaw ng cobra habang gumagamit ng comfort room sa bayan ng Motiong, Samar, Linggo ng gabi.

Ayon sa mga awtoridad, nakahingi ng saklolo ang babae matapos niya madiskubre ang naturang ahas sa CR sa Brgy. 1A.

Rumesponde ang mga bombero at emergency rescue team at isinilid sa sako ang cobra, na may haba na 50 pulgada.

Isa umanong nakakamatay na Samar cobra o naja samarensis ang naturang ahas, na kilala din sa tawag sa local name na “"Ibingan”. Karaniwang nakikita ang mga ito sa Visayas at Mindanao.

Nasawi din kalaunan ang ahas, ayon sa mga awtoridad, pero wala silang ibinigay na dahilan ng pagkamatay nito.

—Ulat ni Ranulfo Docdocan


KAUGNAY NA ULAT

Watch more on iWantTFC
Bisitahin ang Patrol.PH para sa iba pang mga balita.