Lolong inilikas, patay sa atake sa puso sa Oriental Mindoro

Patay ang isang 78 anyos na lalaki mula Bulalacao, Oriental Mindoro matapos atakihin sa puso sa gitna ng paglilikas bilang paghahanda sa bagyong Rolly ngayong Linggo.

Nakaupo si Aladino Alarcon sa labas ng isang simbahang ginawang evacuation center nang atakihin sa puso, base sa ulat ng Bulalacao Public Information Office (PIO).

A 78 y/o man dies from a heart attack in Bulalacao, Oriental Mindoro amid evacuation efforts for #RollyPH. The town PIO said Aladino Alarcon collapsed while waiting to get inside a church evac center. He was pronounced DOA at the hospital.

(📸: Bulalacao PIO) pic.twitter.com/ZRAMs7lbbr

— Anjo Bagaoisan (ᜀᜈ᜔ᜇᜒᜌᜓ ᜊᜄᜏᜒᜐᜈ᜔) (@anjo_bagaoisan) November 1, 2020

Naghihintay si Alarcon na papasukin sa evacuation center matapos umanong ilikas mula sa Sitio Tabuk ng Barangay Poblacion nang biglang manikip ang kaniyang dibdib at mahirapan siyang huminga.

Dinala pa sa ospital si Alarcon pero idineklara ring dead on arrival.

Inilagay muna ang labi ni Alarcon sa municipal gymnasium.

Hindi bababa sa 722 pamilya o halos 2,000 katao mula sa 15 barangay ng Bulalacao ang inilikas na dahil sa Rolly, sabi ng PIO ng munisipyo.