Sunog, sumiklab sa QC; fire volunteer, nasugatan

ABS-CBN News

Posted at Oct 30 2018 01:44 AM

Watch more in iWantTFC

Video mula kay Tony Mantilla

Nasunog ang 6 na bahay sa GSIS Village, Barangay Bahay Toro, Quezon City, Lunes ng gabi.

Isang fire volunteer naman ang bahagyang nasugatan sa sunog.

Sumiklab ang sunog alas-9:55 ng gabi at umabot sa ikaapat na alarma. Nakontrol ito ng mga bombero alas-11:05 ng gabi.

Sa inisyal na imbestigasyon ng Bureau of Fire Protection (BFP), nagsimula ang sunog sa kusina ng mag-asawang sina Roberto at Aurora Corpus hanggang sa kumalat sa mga katabing bahay.

Ayon sa mga kapitbahay, marami raw kasing iniimbak na kahoy na panggatong sa bahay ng mag-asawa. Dati na rin umano silang inireklamo sa barangay ng mga kapitbahay dahil sa patuloy na paggamit ng kahoy sa pagluluto.

Depensa ng mag-asawa, tinitiyak nilang hindi nagbabaga ang mga panggatong pagkatapos nilang magluto.

Inaalam pa ng mga bombero ang halaga ng pinsala ng sunog. - ulat ni Jeffrey Hernaez, ABS-CBN News

Bisitahin ang Patrol.PH para sa iba pang mga balita.