Bangkay na walang kumukuha, sino ang may responsibilidad?

Hindi lahat ng pamilya ay may pinansiyal na kapasidad upang maipalibing ang namayapang kaanak, lalo't patuloy na lumolobo ang gastusin para sa maaayos na pagproseso sa mga ito. 

• Magkano 'mamatay' ngayong 2018? Singil ng ilang punerarya lumobo

Pero ayon sa isang abogado, mandato ng lokal na pamahalaan ang magpalibing sa mga bangkay lalo kung wala nang lumalapit upang i-claim ito sa morgue o sa funeral homes. 

"Halimbawa, hindi kilala 'yung bangkay at walang lumalapit o come forward bilang next of kin, ang sasagot dapat ng pagpapalibing ay 'yung siyudad," ayon kay Noel Del Prado sa "Usapang de Campanilla" nitong Lunes. 

Maaaring basehan dito ang Section 91 ng "Code on Sanitation" o Presidential Decree No. 856, dahil nakapipinsala sa kapaligiran ang hindi pagpapalibing ng bangkay, lalo na kung nabubulok na umano ito. 

Maaaring himlayan ang mga pampulikong sementeryo o mass graves, na alinsunod sa sanitation code. 

• ALAMIN: Ano'ng hinihingi ng batas para payagan ang pagpapalibing?