ALAMIN: '7 commandments' ng DTI para sa mga pupunta sa mall habang pandemya

ABS-CBN News

Posted at Oct 22 2020 06:57 PM

Nililinis ng sanitation team ang handrails ng escalator ng isang mall sa Quezon City noong Mayo 2020. Jonathan Cellona, ABS-CBN News

MAYNILA - Naglabas na ng patakaran ang Department of Trade and Industry kaugnay ng mas pinaluwag na operasyon ng mga mall. 

Ito ang tinatawag na "7 commandments" kung saan dapat sundan ng mga pumupunta sa mall ang mga sumusunod: 

  •  Pagsusuot ng face mask
  •  Pagsusuot ng face shield
  •  Bawal kumain at magsalita sa public transport, nakakulob at matataong lugar
  •  Dapat may sapat na ventilation sa lugar 
  •  Maayos na pagdi-disinfect
  •  Pag-isolate sa mga nagpositibo sa COVID-19
  •  Tamang physical distancing

Bukod sa mga gagawing inspection ng DTI, nagtalaga na rin ng consumer care hotline ang ahensiya na puwedeng pagsumbungan ng ordinaryong mamamayan kung may nakitang paglabag ang mga mall operator sa 7 commandments. 

Kaya paalala ng DTI sa mga nagsasagawa ng mall-wide sale, siguruhing may physical distancing pa rin sa mga establisimyento. 

"Any violation of the health protocol will mean temporary shutdown for the business establishment,” ani DTI Usec. Ruth Castelo. 

Tiniyak naman ng mga mall operator na kahit dumagsa ang mga tao ay magagawan pa rin ng paraan para mayroon pa ring physical distancing. 

Inaasahang aarangkada ang mga Christmas “gimik” ng mga mall, kabilang ang mga mall-wide sale pagkatapos ng Undas. 

— Ulat ni Alvin Elchico, ABS-CBN News

Watch more in iWantTFC
Bisitahin ang Patrol.PH para sa iba pang mga balita.