San Andres Sports Complex sa Maynila ginawang COVID-19 quarantine facility

ABS-CBN News

Posted at Oct 21 2020 03:57 PM

Ginawang quarantine facility para sa COVID-19 patients ng lokal na pamahalaan ng Maynila ang San Andres Sports Complex. ABS-CBN News

MAYNILA — Binuksan ngayong Miyerkoles ang isang bagong quarantine facility sa lungsod ng Maynila na kayang tumanggap ng 54 pasyenteng may coronavirus disease (COVID-19).

Pinangunahan ni Manila Mayor Isko Moreno ang pagbubukas sa pasilidad sa San Andres Sports Complex sa Malate district.

Nilagyan muna ng mga cubicle ang basketball court na may 54 kama para sa mga pasyenteng tatamaan ng bagong coronavirus.

Watch more in iWantTFC

Ayon kay Moreno, dahil sa mga dagdag na kama, may 525 kama na para sa COVID-19 patients sa 13 quarantine facilities sa Maynila.

Pero tingin umano ng lokal na pamahalaan ay hindi pa kailangang gamitin ang San Andres Sports Complex dahil may 68-percent occupancy rate pa ang 12 ibang pasilidad, habang 33-percent occupancy rate naman sa 6 na ospital sa Maynila.

Sa tala noong Oktubre 20, nasa 18,963 na ang bilang ng kumpirmadong kaso ng COVID-19 sa lungsod, kung saan 589 ang active cases o iyong mga hindi pa gumagaling sa sakit.

— Ulat ni Jerome Lantin, ABS-CBN News

Bisitahin ang Patrol.PH para sa iba pang mga balita.