Occidental Mindoro niyanig ng lindol

Fred Cipres, ABS-CBN News

Posted at Oct 20 2018 10:04 AM

MAYNILA - Niyanig ng magnitude 3.8 na lindol ang munisipalidad ng Paluan sa Occidental Mindoro, Sabado ng umaga.

Ayon sa Philippine Institute of Volcanology and Seismology (Phivolcs), naganap ang lindol alas-6:52 ng umaga na may epicenter na 39 kilometro timog-kanluran ng Paluan.

Tectonic ang pinagmulan ng pagyanig na may lalim na 26 kilometro.

Naramdaman ang Intensity 1 sa Puerto Galera sa Oriental Mindoro.

Wala namang inaasahang aftershock at pinsala ang naturang lindol.

Bisitahin ang Patrol.PH para sa iba pang mga balita.