COVID-19 cases sa Pilipinas higit 356,000 na

ABS-CBN News

Posted at Oct 18 2020 07:51 PM

Mga pasaherong papunta sa bus loading at unloading area sa Agham Road, Quezon City noong Oktubre 15, 2020. Mark Demayo, ABS-CBN News

Umabot na sa 356,618 ang bilang ng kumpirmadong kaso ng coronavirus disease (COVID-19) sa Pilipinas, base sa datos ngayong Linggo ng Department of Health.

Ito ay matapos makapagtala ang DOH ng 2,379 bagong kaso, karamihan ay galing Quezon City na may 172 kaso, na sinundan ng Rizal province na may 147.

Watch more in iWant or TFC.tv

Sa ilalim ng lingguhang "Oplan Recovery," nakapagtala ang DOH ng 14,941 bagong pasyenteng gumaling mula sa sakit para sa 310,158 total recoveries.

Nasa 50 naman ang naiulat na bagong pagkamatay kaya umakyat sa 6,652 ang death toll.

Sa 356,618 total cases, 39,808 ang active cases o iyong mga hindi pa gumagaling sa sakit.

Bisitahin ang Patrol.PH para sa iba pang mga balita.