'Sumasayaw pa sila': Huling sandali ng 3 paslit na namatay sa guho sa Benguet inalala

BENGUET - Ilang hakbang lang mula sa bahay ng pamilya Teligo inilibing ang tatlong magkakapatid na nasawi nang gumuho ang lupa sa Ambiong, La Trinidad, Benguet - ang 8 anyos na si Nicklhier, 4 anyos na si Nighel, at 2 anyos na si Nickeecha. 

• 3 children dead in Benguet landslide, says vice governor

Magkakahalong putik, tipak ng bato, at may kasamang tubig-ulan ang rumagasa pababa sa bahay nila habang kumakain ang pamilya. 

Funeral march of the 3 Teligo siblings passes by the house where they were buried in a landslide when #MaringPH hit La Trinidad, Benguet last Monday.

Nicklhier, 8yrs old
Nighel Rose, 4yrs old
Nickeecha, 2yrs old pic.twitter.com/XpEGey2du3

— Jacque Manabat (@jacquemanabat) October 15, 2021

"Bago 'yun sumasayaw pa sila. 'Yung niluluto ko 'yung ulam nila 'yung [ang] saya nila na, 'yes may ulam!' 'Yung ganu'n. Tuwang-tuwa sila, fried chicken 'yung niluto ko. Nire-request nila nu'ng araw na 'yun," ani Stephanie Velasco Teligo, ina ng mga batang nasawi. 

Nadala pa sa ospital ang mga bata na paisa-isang kinuha mula sa gumuho nang bahay. Tanging ang mga magulang lang ang nakaligtas. 

• 'Sobra-sobra ang trauma': Mga naulila sa landslide sa Baguio naghihinagpis
• Bilang ng mga iniulat na patay sa pananalasa ng 'Maring' lumobo sa 30

"Kami ng asawa ko, marami kaming pasa dito dito, masakit… Lalo na dito," ani Teligo, na naiiyak na itinuro ang kaniyang dibdib. 

Ililibing sila sa bakanteng lote ilang hakbang mula sa kanilang bahay. 

Ayon kay La Trinidad Mayor Romeo Salda, hindi naman ito ipinagbabawal sa naturang lote. 

Inabot ng P12 milyon ang halaga ng pinsala sa munisipalidad sa La Trinidad. 

-- Ulat ni Jacque Manabat, ABS-CBN News

Kaugnay na video: