TFC News

PH Embassy Bahrain, napauwi ang 91 stranded Overseas Filipinos

Jerome Fadriquela | TFC News

Posted at Oct 14 2021 10:06 AM

MANAMA – May 91 Pilipino ang matagumpay na napauwi ng Phillippine Embassy sa Bahrain noong October 6, 2021.

Kasama sa mga nakauwi ay mga menor de edad, pardoned detainees, overstaying overseas Filipinos, mga buntis, medical cases o may mga sakit at mga dating wards ng embassy shelter.

Mga distressed OFs sa Bahrain nakauwi na
Photo: Philippine Embassy in Manama, Bahrain
 
Ang Philippine embassy ang nag-asikaso ng repatriation ng mga kababayang na-stranded dahil sa COVID-19 pandemic. Nakipag-negosasyon ang embahada sa Gulf Air para makakuha ng special ticket rate sa karamihan ng repatriates.
Mga distressed na Pinoy sa Bahrain nakauwi na sa Pilipinas
Photo: Philippine Embassy in Manama, Bahrain

Samantala, inako naman ng DFA sa pamamagitan ng Assitance-to-Nationals Funds ang tiket ng nalalabing 39 undocumented repatriates.

Ang Office of the Undersecretary for Migrant Workers Affairs (OUMWA) ng DFA at Overseas Workers Welfare Administration (OWWA) ang nakipag-ugnayan sa iba-ibang ahensya sa Pilipinas para ma-exempt ang repatriates sa arrival limitations at agad na maihatid sa kani-kanilang quarantine facilities.

Para sa mga nagbabagang mga balita tungkol sa ating mga kababayan sa Bahrain, tumutok sa TFC News sa TV Patrol.

Source: DFA website